“PUNGKAD KAM”
Pungkad kam semimon se’ - se’ku ,
Law tarus lumaan ,
Ngiro tiap detik jam ,
Iko no kenangan mamis engko’ pait ,
Boi tereso ku ai tio no embanan ku,
Engkon muat memori baw,
Binuat tenungan ta’masa embunda’ kang ,
Tapi kau…
Selalu tekito ku dekero bungo,
Yan pan makin beta makin lati terua sinar moto ellaw keet..
PANTUN PERANAK BAW
Anak using lumpat-lumpat ,
Andang-andang lebak bengen diing sapat ,
Endain bi doh jam e ai no pukul ampat ,
Tapi daa jo budaya sama ti sampai tekelipat.
Bongso bajau iko anak baw ,
Tekito ti engkaday betebaan law-law ,
Sayang bana amun nya’ tinandaw-tandaw ,
Budaya lengis palajaran pan temban ,
somo jo dokon petenab moto ellaw.
Bongso bajau iko sepeng ni masing-masing engko’ budaya ni ,
Daa kam sangka kurung anak baw jomo oyo manang noh kiti ,
Nemperasa’ ogod ni tinilawan nyaun terati bekisian dediri ,
Patut ngerati budaya diri ,
Nya’ ngerati tilaw beguru kiti .
Jomo oyo jomo diki ,
Nyaun bida’ somo jo kiti ,
Nya’ ninda jomo ta’ pangkat engko’ roo ni ,
Kiti tu somo-somo hamba Allah s.w.t numpang ta’ bumi .
Da kam ngenda yan pangkat bi ,
Amun un kerjoon somo-somo buat ti ,
Daa kam setimpa’ amun un kesilapan buat ti ,
Amun un salah e patut pebetul ti .
Sekian jo peranak baw ngereka pantun ,
Binuat besoon sesomo kiti ,
Sebelum ngundur diri nusun aku sepu jari ,
Maku maaf amun uun kata-kata koh teraat atay bi..
